Þriðjudagur 20. mars...

Komin tími til að skrifa eitthvað hér. Vaknaði upp við þann vonda draum að allt í einu er komin 20.mars og skattframtalið ógert.... OMG..tekst alltaf að lenda á síðustu dögunum, mitt fyrsta verk í morgun var því að biðja um frest á leiðindunum og létti mjög eftir það, en verð samt að klára þetta í vikunni. Skil ekki hvað mér leiðist þetta, fæ alltaf léttan hroll þegar þessi tími nálgast. En flestar tölurnar eru nú þegar komnar inn á blöðin. Svo þetta reddast allt saman eins og venjulega !! 

Annars, er ég að jafna mig eftir flensu sem heltist yfir mig á föstudaginn, var orðin verulega lasin þegar ég kom heim úr vinnu á föstudaginn og missti má segja úr laugardaginn alveg, og svaf út í eitt í svita og hita með kvef og höfuðverk. Var við rúmið á sunnudaginn en tók mig svo til, þrátt fyrir lasleikann og skúraði yfir gólfin,  sem ekki var vanþörf á, fór síðan í sturtu og var bara nokkuð hress á eftir. E.t.v. hefur þessi hreinsun gert gæfumuninn, fór öll að skríða saman eftir þetta.

 Vinnuvikan söm við sig, kuldi og snjór úti en sól í sinni þrátt fyrir þessi skrif hér á undan.

Friður ríkir í fjallasalnum - eða þannig.

Meira fljótlega. Njótum lífsins.

Magga

Athugasemdir

[Vilborg systir (IP-tala skráð) 20.3.2007 kl. 11:09]

Gott að þú ert ekki lengur "under-cover".

[Hulda Margrét Traustadóttir, 20.3.2007 kl. 11:51]

Var vissulega "uder cover" í orðsins fyllstu.

[Hulda Margrét Traustadóttir, 20.3.2007 kl. 12:17]

under cover...leiðréttist hér með....

[Stella (IP-tala skráð) 28.3.2007 kl. 11:42]

Bréfin fara af staða í dag eða á morgun..

Stella.