Framhald...verslunarmannahelgi í Húsafelli....

Ég var alveg búin að gleyma því að ég fór líka einu sinni í Húsafell. (mundi eftir því þegar ég las á bloggi Bratts um Húsafell).Ég var að vinna vestur í Dalasýslu eitt sumar, sumarið eftir skemmtilegasta vetur sem ég hef átt en það var í húsmæðraskólanum á Staðarfelli - þá fórum við nokkur saman með frænda mínum sem átti þennan forláta rússajeppa, þeir strákarnir voru búnir að fylla einhverja tanka af víni og festa undir bílinn....það var alltaf bindindismót þarna ekki svo að skilja að höftin hafi ekki verið allstaðar....en við vorum í góðu skapi nú átti sko að skvetta úr klaufunum !! En við komum að hliðinu inn á svæðið og þar var verið að leita og leita.....strákarnir fóru að tala um að snúa við og grafa vínið, en það var of seint við vorum í röðinni og ekki að sökum að spyrja, tankarnir fundust og öllu var hellt niður þarna fyrir framan augun á okkur - svo við fórum inn vínlaus en ég man ekki betur en að við höfum öll skemmt okkur vel þrátt fyrir þetta, áræðanlega einhver sem var með nóg og gaf okkur eitthvað en ástin lá í loftinu svo þetta sakaði ekki svo...................