Jólakort, jólalög, kertaljós og rólegheit.....

Dagurinn í dag er svona íhugunardagur hjá mér. Kallinn minn er með löndum sínum að njóta þjóðarrétta frá Portugal og þrátt fyrir gott boð um að koma með, ákvað ég að vera heima með Dalí og skrifa á jólakort og íhuga svolítið....fór fyrst út með Dalí minn í góðan göngutúr og lét hann hlaupa svolítið, andaði að mér hreinu loftinu og gekk rösklega. Úti var frekar svalt og nokkur snjór.

Jólakortin voru tilbúin á borðinu þegar við komum inn og ég setti jólatónlist á fóninn og kveikti á all mörgum kertum. Yndislegt að skrifa svona í rólegheitunum á kort til nánustu ættingja og vina og rifja svolítið upp atburði ársins sem var mjög skemmtilegt hjá okkur fjölskyldunni þegar kemur að því að við hittumst nokkuð oft og þá er fyrst ættarmótið okkar á Sauðanesi ofarlega í huga......alveg frábært ! Meira af svona - takk.

Við Stella mín töluðum saman og maður er auðvitað mikið með hugann hjá þeim núna og fyrirhugaðri aðgerð á auga Ragnars Snæs litla í komandi viku að öllu óbreyttu.

Sendi út allar góðar hugsanir þeim til handa um að allt gangi vel og litla hetjan fái einhvern bata á auganu sínu........verð ekki í rónni firr en eftir þessa aðgerð...en er þó viss um að hún gangi vel !

Njótið aðventunnar vinir mínir og ættingjar, þökkum allt það góða sem okkur hefur verið gefið og tökumst á við mótbárur sem fyrir okkur hafa verið lagðar á lífsleiðinni....og treystum því að allt sem fyrir okkur er lagt er gert til þess að styrkja okkur hvort sem er í gleði eða sorg.

Sorgin er systir gleðinnar og þannig hefur það alltaf verið.......Lifið heil.

 

 

Athugasemdir

[Vilborg Traustadóttir, 9.12.2007 kl. 22:52]

Satt er það, sorgin og gleðn eru systur og á tímum þegar á móti blæs skynjum við svo vel að án annarrar væri hin ekki til.  Knús og kram.

[Svanhildur Karlsdóttir, 9.12.2007 kl. 23:11]

fallegur pistill  hjá þér Magga mín, og gaman að lesa jólasöguna frá Sauðanesi í fyrri pistlum

[Stella (IP-tala skráð) 10.12.2007 kl. 12:46]

Takk fyrir falleg orð elsku mamma..

[Hulda Margrét Traustadóttir, 10.12.2007 kl. 14:01]

Takk fyrir innlitið dúllurnar mínar allar þrjár. Gaman að þið skuluð kíkja hér við.