Frú Sólveig - systir....

.....já, hún hringdi í mig í gær og bað mig að setjast niður ....síðan sagði hún mér að hún hefði verið að fá út úr "skannanum" sem hún var send í vegna rannsókna hjá taugalækni...það sást í þessari rannsókn að hún var með æxli við heiladingul...Á síðasta ári var hún skorin upp vegna krabbameins í ristli sem var fjarlægt, hún var mikið veik fyrir og eftir aðgerðina og fór síðan í erfiða krabbameinsmeðferð sem tókst vel og hún hefur öll braggast, er komin með meiri hold og líður vel.

Þvílíkt reiðaslag sem þetta hefur því verið fyrir hana og maður hélt að þetta væri nú bara orðið meira en nóg - enda leið hún mikið á síðasta ári þrátt fyrir dugnað og bjartsýni !

Í framhaldinu fer hún í frekari athuganir meðal annars hjá augnlækni og heilaskurðlæknir verður kallaður til - henni var líka sagt að þetta þurfi að fjarlægja en það er ekki gert hér á Íslandi - annaðhvort  í Ameríku eða Svíþjóð. Hún var afar dugleg og er bjartsýn þrátt fyrir þessar fréttir. Og auðvitað vonar hún og við öll að þetta sé ekki illkynja þar sem henni líður ekki illa og læknirinn sagði henni að vera alveg rólegri útaf þessu.

Nú bara krossum við fingur og vonum það allra besta fyrir hennar hönd og allra aðstandenda. Hún á auðvitað marga góða að og á allt það besta skilið. 

Áfram Solla, þú tekur þetta verkefni eins og hitt ef ég þekki þig rétt. Hugsa mikið til þín.... Magga systir.

 

Athugasemdir

[Vilborg Traustadóttir, 4.1.2008 kl. 22:27]

Já hún er sei hún Veiga! Ég held og er sannfærð um að allt fer þetta á besta veg. Verð henni "innan handar" í þessu sem öðru. Hittum John í dag og hann var mjög afslappaður en þreyttur að sjá. Þær komu svo ó pítsu mæðgurnar í kvöld. Augnlæknir á þriðjudaginn og svo verður frmhaldið metið eftir það. Við "rúllum þessu upp" sagði ég við Sollu. Það er samt hún sem þarf að ganga í gegn um erfiðasta partinn og við erum á varamannabekknum og komum inn á eftri þörfum. Thats what friends are for......

[Vilborg Traustadóttir, 4.1.2008 kl. 22:27]

....seig hún Veiga....

[Svanhildur Karlsdóttir, 5.1.2008 kl. 11:53]

æi Magga mín þetta er leiðinlegt að heyra, vonum það besta

knús 

[Hulda Margrét Traustadóttir, 5.1.2008 kl. 14:22]

...rétt Vilborg, hún er með erfiðasta partinn.  Er líka til í að vera henni og Lucý "innan handar" og það eru eflaust margir fleiri í fjölskyldu og vinahópi.

Solla er ekkert nema gæskan til okkar allra, það vitum við !

En - var að hugsa, afhverju er þessu ekki skipt jafnara niður....þú með MS og Jonni, Solla búin með mjög erfiðan kafla á síðasta ári .....en ég hef ennþá fullt starfsþrek og er auðvitað mjög þakklát fyrir það....spurningar vakna - hver er tilgangurinn með því sem á eina manneskju eða manneskjur er lagt - hann hlýtur að vera einhver ?

Hugsa hlýtt og sterkt suður og fer á línuna til þeirra sem gefa sig út til að hjálpa ! Það hefur hingað til gefið góða raun, síðast þegar Ragnar Snær fór í aðgerðina.....

[Hulda Margrét Traustadóttir, 5.1.2008 kl. 14:24]

Takk Svana, þú þekkir það að ekki er lífið alltaf eins og við vildum hafa það ! knús Magga

[Stella (IP-tala skráð) 5.1.2008 kl. 19:50]

Ef það er eitthvað sem við getum gert þá er bara að hóa í okkur, það skiptir ÖLLU máli að fjölskyldan standi saman á svona tímum.

Knús

[Hulda Margrét Traustadóttir, 6.1.2008 kl. 11:30]

Það er rétt Stella mín, þannig er það þegar á reynir sem betur fer að fólk þjappar sér saman og vill gera allt til hjálpar - og það er alveg frábært