Þrettándinn...........

...já, jólin eru að renna sitt skeið eina ferðinna enn. Það hefur verið frábært að fá þessa daga til þess að slaka á og njóta. Að vísu eru þeir vinnudagar sem unnið er alveg "galnir" og ég man ekki eftir öðru eins....dagurinn eftir jólin var sá stærsti í bankanum sem ég man eftir - þvílíkt og annað eins og það er svolítið mikið að vinna í akkorði frá klukkan átta að morgni til sjö að kveldi !

Annars höfum við hjúin haft það ljúft og gott með honum Dalí og höfum verið eins og við ætluðum mikið úti með hann þessa frídaga - en - hvenær ætlar landinn að láta af sprengjuæði sínu ? Allt í lagi - gamlárskvöld og þrettándakvöld, látum það nú vera en alla hina dagana frá morgni til kvölds eru þessi læti í gangi og hundurinn okkar er ekki sáttur, núna síðustu dagana höfum við þurft að draga hann undan rúminu þar sem hann á sér "sinn stað" til þess að fara út, best hefur verið að fara inn í sveit þar sem friðurinn er meiri. Og ég hef heyrt það á fólki líka að þetta pirrar það, sprengt er við húsvegginn hjá því þegar það hefur verið að fara að sofa - mjög ergilegt ! 

Á morgun tekur maður svo jólaskrautið niður og reynir að gera huggulegt hjá sér aftur án þess. Ég læt þó loga á hvítum seríum hjá okkur eitthvað frammeftir, allavega á meðan það er svona dimmt, en eitt er gott, þegar janúar er búin fer byrtan að verða meiri og árstíðaskiptin eru okkur Íslendingum orðin svo töm að maður heldur bara ótrauður áfram lífsbaráttunni. Meira að segja José, maðurinn minn sem er þó ekki búin að vera hér á landi nema rúm 17.ár er hættur að kippa sér upp við vond veður og myrkur og hreinlega dáir jólin á Íslandi  Hann er orðin sannur Íslendingur sem elskar svo margt í okkar landi ! ( og mig líka....he he he).

Svo bara styður maður sitt fólk í baráttu fyrir betri heilsu á komandi mánuðum og óskar þess að allt fari vel bæði hjá Ragnari Snæ með augað sitt og Sollu systur í væntanlegri aðgerð. Og auðvitað að gömlu hjónin mamma og pabbi fái mikið lengri tíma í þessari jarðvist og haldi því að geta verið heima hjá sér sem lengst.

Meira síðar...................

 

Athugasemdir

[Svanhildur Karlsdóttir, 6.1.2008 kl. 17:04]

sit hér drulluþreytt, búin að taka allt jólaskraut niður, en ég geri eins og þú, leyfi seríum að hanga lengur uppi...........er alveg sammála þér með þessi sprengjulæti, hundarnir okkar kippa sér reyndar lítið upp við það, en ég hrekk alltaf í kút

kveðjur

[Hulda Margrét Traustadóttir, 6.1.2008 kl. 18:51]

Mikið eigið þið gott að hundrarnir ykkar eru ekki hræddir, þetta er meiri hátta vesen með Dalí, hann nötrar og skelfur og er alveg ómögulegur. Það er orðið þannig að mér er orðið meinilla við þessi læti  Bestu kveðjur til ykkar á Hornafirði !

[Vilborg Traustadóttir, 6.1.2008 kl. 23:03]

Er alvarlega að velta fyrir mér að láta jólaskruatuð bara vera fram að næstu helgi....ég á nefnilega afmæli þann 11......annars....veit ekki...

[Hulda Margrét Traustadóttir, 7.1.2008 kl. 21:01]

Blessuð lofaðu því að vera, ég er bara að hugsa um að klára þetta til þess að eiga næstu helgi meira í rólegheitum, hugsaði eflaust öðruvísi ef ég væri ekki atvinnuþræll !!  Og njóttu afmælisins í skrautinu - mamma lofaði skrautinu alltaf að vera út janúar - og það gera margir á Akureyri - allavega ljósunum......

[Vilborg Traustadóttir, 7.1.2008 kl. 22:48]

Já er nú samt aðeins byrjuð að tína niður. Mamma lét alltaf vera fram yfir afmælið mitt ef ég man rétt. Gangi þér vel ogég er byrjuð að mála af krafti.