Leynivinavika í vinnunni minni....

O.k við erum fullorðið fólk en fullorðið fólk þarf ekki alltaf að taka hlutina háalvarlega, ég er að vinna með nokkrum ungum stelpum og svo með nokkrum á mínum aldri og einni eldri.

Höfum prufað þetta einu sinni áður, það var í desember og þá var svo gaman að við ákváðum aðra viku rétt fyrir páska. Þess vegna var þessi vika í vinnunni, alveg bráðskemmtileg.

Leikurinn er þannig að nöfn okkar allra í deildinni eru skrifuð á miða og síðan er dregið og sá sem á það nafn sem þú dregur verður leynivinur þinn í viku. (ef þú dregur sjálfan þig skilar þú miðanum og dregur annan) Það sem síðan er gert ræður hver og einn um það hvernig hann gleður sinn leynivin.

Það var frjór leynivinur sem ég átti og það lá við að ég væri orðin smá "tens" á síðasta degi.

Það sem minn leynivinur gerði fyrir mig var meðal annars það að færa mér morgunverð á hverjum morgni (hefur greinilega vitað að ég er ekki dugleg í morgunverðinum) þetta var allt frá brauðsneið með osti og ávöxtur til eggja köku með skinku og appelsínusafa og múslí og mjólk.....síðan fékk ég falleg bréf og frumsamdar vísur, símhringingar utan úr bæ með vísbendingum um næstu skref og síðan var hringt í mig og sungið fyrir mig "Magga í sagga, kúrir ein í bragga...." alveg til enda. Einnig fékk ég fallegar gjafir.

Síðasta gjöfin var síðan eurovision diskurinn og falleg hugvekja um vináttuna....

Við enduðum síðan saman heima hjá einni af okkur í kvöldverði í gærkveldi og höfðum við slegið saman í mat og veigar.

Þetta var bráðgaman og mikið hlegið og auðvitað var uppljóstrað um leynivini hvers og eins....marga var nú samt farið að gruna eftir all sérkennilegar uppákomur alla vikuna hver var leynivinur hvers..

Það er mitt álit að svona smá gaman í vinnunni sé bara til þess að treysta liðsheild og treysta samvinnu. Af hverju ekki að létta andrúmsloftið - finna barnið í sér og skemmta sér aðeins í bland við vinnuna. Ekkert nema ávinningur fyrir okkur allar og mikið erum við búnar að hlægja !

Athugasemdir

[Vilborg Traustadóttir, 14.3.2008 kl. 23:15]

Bráðskemmtilegt! ;-)

[Svanhildur Karlsdóttir, 15.3.2008 kl. 07:11]

Já það hlýtur að vera gaman að svona, tengir ykkur líka betur saman

[Stella (IP-tala skráð) 15.3.2008 kl. 21:15]

Stórgóð hugmynd og gaman að heyra allt sem um var að vera hjá ykkur þessa viku

[Hulda Margrét Traustadóttir, 15.3.2008 kl. 21:31]

Já, þetta var gaman og eflaust á næstu vikum eigum við eftir að bresta í hlátur útaf hinum ýmsu uppákomum þessa viku, við vorum eiginlega með fráhvarfseinkenni í gær þegar þessu var lokið en ég ákvað í samvinnu við hinar að gleðja þá stelpu sem hvað duglegust var við að koma leynivinavikunni á laggirnar.... þannig var að ég fór í"sjoppu"eftir ráðleggingar frá stelpunum og keypti "djúpsteiktan Akureyring " vissi ekki meir en vissi samt að þetta var eitthvað sem viðkomandi líkaði.....djúpsteikt pulsa með osti og frönskum og öllu...

Við sendum með vísu (stelpan er rösk og skemmtiletg) Einn daglegur kúnni spurði einu sinni um "Litlu jörp)"

Vísan sem fylgdi var svona....

Elsku litla jörp

þú sem ert svo skörp

þér við eigum margt að þakka

því færð þú hér aukapakka.

Elskum þig.

Allir hinir leynivinirnir

 Það er svo gaman að vinna með þessu unga fólki, ég fíla það í botn