Sumarið.........

Góðan og blessaðan daginn !

Eftir Vestmannaeyjaferðina góðu hef ég lítið bloggað. Einfaldlega verið mikið að gera á öllum sviðum ! Mikið í vinnunni, oft langir vinnudagar og erilsamir.

Vilborg systir kom til mín eina helgi og við máluðum á svölunum nokkrar myndir en tíminn of fljótur að líða eins og venjulega, við notuðum tækifærið og héldum Ketilás08 fund á Bláu könnunni með gjaldkeranum okkar henni Guggu og í framhaldi af því fórum við í mogga viðtal útaf ballinu sem haldið var síðan þann 26. júlí. Vilborg var með kynninga málin að mestu og tókst vel til. Tókst henni að afla styrkja til auglýsinga og ég úbjó aðgöngumiða og auglýsingar sem fóru um allar jarðir á svæðinu. Það er raunar alveg ótrúlegt hve vel þetta gekk en góð skipulagning og verkaskipting skiptu þar miklu. Svo og langur aðdragandi að ballinu og heimasíðan sem Vilborg setti í gang og við höfum verið að halda gangandi frá því í september 2007. ketilas08.blog.is skipti þar miklu máli.

En ballið (hippies ball fyrir 45 ára og eldri - nema ef yngra fólk kom í fylgd með fullorðnum) var semsagt haldið með pomp og prakt þetta laugardagskvöld í miklu blíðviðri. Þegar hljómsveitin Stormar frá Siglufirði gekk í salin stóð fólk upp og klappaði mikið. Frá fyrsta lagi var dansgólfið fullt og stemmingin ótrúleg ! Þvílíkt gaman og þvílíkt fjör. Gaman var að hitta fjöldan allan af gömlum vinum og kunningjum og syngja með í öllum gömlu góðu lögunum. Það voru því sælar nefndarkonur sem kláruðu dæmið á Ketilási daginn eftir og allt gekk upp og vel það. Afgangur uppákomunar var töluverður og var hann gefin til hússins sem stendur til að gera smátt og smátt upp, það var gleðilegt að geta stuðlað að því. Þær konur sem við hittum og eru í húsnefndinni eru dugnaðarforkar og voru samskipti okkar við þær mjög góð. Nú er hugmyndin að athuga með annað ball með sama þema að ári. Það verður gaman að vinna að því ! 

Hingað til okkar José hafa komið fleiri góðir gestir í sumar og á dögunum var Hulda mín hér hjá okkur með dæturnar sínar. Alltaf hressar og skemmtilegar. Já sumarið er tíminn og það er gaman að fá gesti.

Þessi verslunarmannahelgi hjá okkur er bara svona venjuleg helgi, baráttan við rykið og óhreinindinn fór fram hér á heimilinu í gær og mikið leið mér betur í gær að skríða uppí hreint rúmið mitt með hreinlætislyktina í nefinu !

En nú erum við komin i langþráð sumarfrí og ætlunin að skreppa suður um höf til heimalands mannsins míns Það verður ekki leiðinlegt. Verst að hitinn þar er ansi mikill í ágúst á hans heimaslóðum líklega uppundir 40° flesta daga. Ég finn mér bara góða sundlaug og ligg í köldu vatninu.....Meira um það síðar í vikunni.

Ástarkveðjur til ykkar allra vinir og vandamenn. Yfir og út að sinni !

 

Athugasemdir

[Svanhildur Karlsdóttir, 3.8.2008 kl. 16:32]

Mikið gott að heyra hvað ball-hittingurinn gekk vel, leiðinlegt að geta ekki komið, en kannski næsta sumar.....væri alveg til í 40 stiga hita, því mér finnst þetta sumar hafa verið frekar kalt hér á Höfn,  alltaf þessi austanátt sem er köld.....knús