Flogin burt....

Þá er Vilborg flogin til síns heima, þetta var frábær tími og ekki laust við einmannaleikatilfinningu þegar ég kom til baka af flugvellinum - engin til að spjalla við. Svo er það eitthvað svo gott líka að geta verið saman án þess að vera alltaf að tala, við lásum, spjölluðum, hlógum, elduðum og hvöttum hvor aðra í myndlistinni og öðru...við fengum líka góðar heimsóknir, Kristín elsta og besta vinkona Vilborgar var hér í bænum um helgina, og kom til okkar í mat og svo kom Kristjana "mín" aðeins í morgun en þær, hún og Vilborg voru saman einn vetur í Laugaskóla. Skemmtileg tilviljun.

Já, hvar væri maður staddur ef maður ætti ekki svona góða að

Takk Vilborg fyrir ómetanlegan tíma - sem bætist nú í minningabanka málaralistarinnar og alls annars  Þér hefur farið mjög mikið fram og haltu bara ótrauð áfram !

Spakmælið: (á vel við í dag)

Öll sköpun Guðs sannar tilvist

Guðs - fullkomnun hennar,

skipulagning, samstilling,

samhljómur, eining og jafnvægi.

 

Eigið góðan dag

Athugasemdir

[Svanhildur Karlsdóttir, 20.11.2008 kl. 01:07]

Alltaf gott að eiga góða að.....knús

[Vilborg Traustadóttir, 20.11.2008 kl. 01:47]

Takk fyrir síðast og takk fyrir hvatninarorðin og knús á ykkur José og auðvitað líka á hann Dalí!!! Mímí var mjög ánægð þegar ég kom heim og mjálmaði m.a.s. sem er fátítt!

;-)

[Hulda Margrét Traustadóttir, 20.11.2008 kl. 11:40]

Mími hefur aldeilis verið búin að sakna þín - knús til ykkar