Óveðursmorgun...

Úti hamast stormurinn og það snjóar, inni er bjart og hlýtt og kertaljós í glugga svona til þess að senda birtu og yl til nágrannana sem hafa verið að hamast hérna úti við að hreinsa af bílunum sínum og koma sér í vinnu jólalög í útvarpinu og allt eitthvað svo notalegt.

Ég er mætt í mína "vinnu" við eldhúsborðið og er að lesa bæklinga frá heilbrigðiseftirlitinu og síðan er næstur á dagskrá, bæklingur sem ég fékk hjá Impru um gerð viðskiptaáætlana, hef mikinn áhuga á því að drífa mig á námskeið hjá þeim í febrúar sem er um brautargengi, fyrir konur sem vilja hrinda viðskiptahugmyndum í framkvæmd og hefja eigin rekstur og einnig þær sem eru í atvinnurekstri og vilja auka þekkingu sína. Spennandi námskeið það !

Eftir hádegið fer ég svo í sálfræðitíma. Það gerir mér gott ! (fyrir þá sem ekki vita missti ég vinnuna í endaðan október og það var strembið, þess vegna leitaði ég til sálfræðings).

Spakmæli dagsins í dag er:

Guð lítur oft öðrum augum á

lífið en við. Fyrir honum er stolt

veikleiki en auðmýkt styrkur.

Megið þið eiga góðan dag og komast heil á milli staða í óveðrinu.

Greinin mín um Norðurport er hér næst á undan, þar sem ég segi frá því hvernig ég vil sjá markaðinn og því helsta um það hvernig ég hef hugsað mér hann, og ekki komst fyrir í stuttri auglýsingu.

Athugasemdir

[Vilborg Traustadóttir, 27.11.2008 kl. 17:39]

"Stal" spakmælinu þínu. Mjög gott spakmæli. Sendi auglýsingu á huni.is vonadi kemur hún sem fyrst. Þá eru Húnavatnssýslurnar komnar með í dæmið hjá Norðurport!

Flott framtak!

[Hulda Margrét Traustadóttir, 27.11.2008 kl. 18:35]

Enda fyrir Norðurlandið allt ! Þér er velkomið að fá spakmælin, á morgun er eitt frábært sem passar þér vel  Þú sérð það á morgun  Skemmti mér svo vel í samræðum okkar í gærkvöldi að ég hló fram að því að ég datt útaf.... og var að reyna að kæfa hláturinn í sænginni...

[Vilborg Traustadóttir, 27.11.2008 kl. 21:06]

He he sama hér!! :-)