Nýr dagur....

 

Byrja á spakmælinu í dag:

Glaðværðin á rætur í hjarta

þínu og breiðist þaðan út.

Átti ánægjulegan tíma með sálfræðingnum mínum í gær. Skrítið að margir virðast halda að það sé einhver endastöð eða neyðarúrræði að fara til sálfræðings. Ég held eftir mína reynslu að mjög margir gætu fengið hjálp í upphafi vandamála í stað þess að burðast með þau "forever and ever".

Nýr dagur er skipulagður. Fyrst er það að svara fyrirspurnum fram að hádegi og meðfram því get ég gert ýmislegt í undirbúningsvinnu vegna þess sem til stendur eftir hádegi.

Svo er komið að því um og eftir helgina að þrífa húsnæðið, koma fyrir borðum og básum og reyna að útvega það sem vantar. Ég var svo heppin að fá borð hjá Akureyrarbæ að láni og annað er ég að reyna að reyta saman. Ef einhver veit um stóla sem hægt er að fá að láni eða gefins, viljið þið láta mig vita ! 461 1295. Einnig er ég að reyna að útvega fataslár......

Engu hefur verið til kostað ennþá utan einnar auglýsingar,enda ætlunin að láta þetta vera sem allra ódýrast og standa undir sér.

Svo hefur vinnan mín verið mikil en skemmtileg og verður ekki launuð á næstunni. Ef vel gengur er það seinni tíma vandamál.

Hugsið til mín og látið mig endilega vita ef þið vitið um eitthvað sniðugt fyrir Norðurport.

En nú er morgunverði og bloggi lokið, komin vinnutími !

Megi dagurinn verða ykkur ljúfur

 

Athugasemdir

[Þórarinn Þ Gíslason (IP-tala skráð) 28.11.2008 kl. 08:33]

Sæl vertu.

Greinilega hress kona á ferð.

 Gangi þér allt í haginn allan daginn.

[Hulda Margrét Traustadóttir, 28.11.2008 kl. 08:53]

Takk Þórarinn.