2. desember....

Góðan daginn.

Er sest við að setja inn upplýsingar á heimasíðu Norðurports, sem nú er í smíðum. Verður vonandi tilbúin fljótlega, þá verður hægt að panta bása/borð þar í gegn sjá verð og ýmsar upplýsingar. Kemur líklega til með að létta eitthvað á símanum.

Ég reddaði því í gær að ég get boðið upp á safa og kex á laugardaginn, allir voðalega almennilegir við mig ! Svo fáum við ljúfa tóna frá harmonikkuleikara frá kl.13 til 13:30.

Dagurinn í gær var alveg hræðilega fljótur að líða og verkefnin í dag eru mörg. Ég geng með bók og minnislista til þess að eitthvað klúðrist nú ekki.

En þetta mjakast allt. Gaman hvað allir eru jákvæðir. Það lítur út fyrir að laugardagurinn verði mjög líflegur og sunnudagurinn líka. Er að senda auglýsingu í Dagskrána á eftir.

 Spakmæli dagsins í dag:

Undir handleiðslu Guðs

má framkvæma erfiða hluti

samstundis en hið ómögulega

tekur aðeins lengri tíma.

Áður en við vitum af verða komin jól og þegar ég byrjaði að hugsa um þetta fyrirtæki, gleymdi ég samstundis því sem ég var komin vel af stað með - skápaþrifum og fleiru í þeim dúr, en mér gefast nú örugglega einhverjar stundir í það þegar allt verður komið í gang. Það verður öðruvísi að vinna um helgar en það er líka bara gaman að breyta til

Megið þið eiga góðan dag

 

 

 

Athugasemdir

[Vilborg Traustadóttir, 2.12.2008 kl. 12:03]

Það er verið að opna svona Kolaport í Hafnarfirði sá ég auglýst í Fréttablaðinu.

Gangi þér vel.

[Drífa Þöll (IP-tala skráð) 2.12.2008 kl. 12:40]

Vonandi gengur þetta framtak hjá þér vel. En svona aðeins til að minna á: þá eru jólin ekki inni í skáp og þau koma hvort sem skáparnir eru hreinir eða ekki. Njóttu aðventunnar og nýja verkefnisins!

[Hulda Margrét Traustadóttir, 2.12.2008 kl. 20:52]

Uppeldið Drífa mín - man ekki öðruvísi jól á Sauðanesi en að allt hafi verið gert hreint frá A til Ö.

Maður man það sem fyrir manni er haft

Vona svo sannarlega að vel gangi hjá Hafnfirðingunum Vilborg.....

Það er einhver vakning í gangi - engin yfirbygging - engin ofurlaun !