Áfram skal haldið....

Þá er ég mætt aftur í Norðurport. Það er nefnilega opið í dag, þrátt fyrir það að hér verða fáir að selja. Það koma svona helgar og maður verður að reikna með því að stundum verði þetta svona.

Á mánudaginn hitti ég svo mann vegna áframhalds í þessu húsi og svo er að bretta upp ermar og tala við mann og annan og reyna að fá fleiri til að selja matvörur hér. En margir hafa líst áhuga á því, fólk og fyrirtæki sem eru nú þegar með leyfi heilbrigðiseftirlits.

Spakmælið er heima svo það kemur síðar.

 Á Akureyri er sunnanþeyr og hlýtt. Birtan að koma, himininn er fallegur og roðagylltur í suðri.

Hvað viljum við hafa það betra ?

Eigið góðan dag og endilega ef ykkur leiðist komið hér við, kaffi á könnunni og vöffludeigið tilbúið.

Sjáumst.

Athugasemdir

[Vilborg Traustadóttir, 27.12.2008 kl. 12:04]

Notalegheit í Norðurporti núna. Var á leiðinni að hringja í þig heim þegar ég sá að þú ert í vinnunni! ;-)

Gangi ykkur vel um helgina.