Hef ekki lagt það í vana minn að vera á kafi í.......

....pólitík......En nú er ég orðin þreytt á þessu ástandi. Hvað eigum við að gera sem ekki höfum vinnu (nema bjarga okkur sjálf) það er engin staður fyrir okkur til að hittast, þessa atvinnulausu einstaklinga. Ég ætla að bjóða atvinnulausum á Akureyri að koma í kaffi í Norðurport og ræða málin. Hvernig væri það ?

Við erum að gera klárt fyrir nýja opnun á nýjum stað um mánaðarmótin og það væri notalegt ef við gætum hist og rætt málin. Það er ekki það auðveldasta í heimi að missa vinnuna sína. Það þekki ég.

Það vantar stað fyrir atvinnulausa til að hittast - Gefum okkur stund saman- Látið mig vita, eigum við að hafa fast kvöld og hittast t.d. á þriðjudagskvöldum klukkan 8 -  9 ???  Til er ég.

Það er komin tími til að ræða málin og marka einhverja framtíð fyrir okkur. Hvernig eigum við að bjarga okkur og fjölskyldum okkar.  Ástandið er alvarlegt. Ég verð með húsnæðið klárt, mjög fljótlega. Norðurport, Laufásgötu 1. Akureyri.

Endilega hafið samband. Mín tilfinning er sú að það væri gott að hitta einstaklinga í sömu sporum og þeim sem ég er í ! Ég er samt að reyna að byggja upp mína eigin framtíð með Norðurporti og skapa fleirum tækifæri í leiðinni. Allir þeir sem luma á hugmyndum geta eygt tækifæri. En allt er þetta mikil vinna. Sem betur fer hef ég síðan í desember hitt fullt af góðu fólki sem er tilbúið að hjálpa mér og finna í leiðinni tækifæri fyrir sjálfa sig til þess að gera gagnlega hluti fyrir svæðið okkar. Frábært fólk, frábær samvinna.

Í kvöld er ég til dæmis varla göngufær eftir flutninga frá Dalsbraut niður á Laufásgötu 1. En samt vorum við með frábæra hjálp, sjálfboðaliða sem ekki hættu firr en allt var klappað og klárt. Takk Solla og fjölskylda - þetta er samhugur og samhjálp, þið voruð frábær !

Ég er búin að vinna launalaust síðan í endaðan október að því að koma Norðurporti á kortið, en þetta var einhver hugdetta á erfiðum tímum. Það hefur kostað, blóð, svita og tár - eins og þar stendur ! Og margar andvökunætur.

Sjáumst !

Eigið gott kvöld og góða nótt Látum okkur dreyma um sumar og sól !

Athugasemdir

[Vilborg Traustadóttir, 7.1.2009 kl. 22:19]

Til hamingju með flutninginn. Akureyrarbær hýtur að styðja vel við þessa hugmynd um kaffispjall?

Eins og hann hlýtur að styðja við svona frumkvöðulsstarf sem þú ert að inna af hendi?

Annað væri hneyksli!

[Hulda Margrét Traustadóttir, 7.1.2009 kl. 23:04]

Gat ekki lengur orða bundist - enda langur og strangur vinnuferill að baki og annar eins framundan  En er það ekki okkar þegnanna í þessu landi að bjarga okkur ????? Það er framtíðin !

[Vilborg Traustadóttir, 7.1.2009 kl. 23:33]

Jú sannarlega er það okkar þegnanna að bjarga okkur. Hitt er annað mál að ef sveitarfélög sjá ekki lengra nefi sínu til að styðja við starfsemi sem þessa þá veit ég ekki hvað?

Þessi hugmynd um að hafa kaffispjall er alveg frábær. Gæti alveg þróast út í eitthvað meira t.d. fyrilestra, námskeið í hinu og þessu, menningarviðburði o.s.ftrv.

Hópurinn getur sameinast um svo margt.

Gangi ykkur vel.

[Hulda Margrét Traustadóttir, 7.1.2009 kl. 23:49]

Rétt. Þetta verður í næstu auglýsingu ! Sjálfsbjargarviðleitni sem getur leitt til svo margs.

[Sólveig Bragadóttir (IP-tala skráð) 8.1.2009 kl. 12:29]

Hæ dúlla

þessi hugmynd um kaffi kvöld er alveg brylljant og ég stið hana eindreigið

en annars takk fyrir fallegan hug til mín og minnar fjölskyldu ...ég veit að ég á frábæra börn og tengdabörn segi svona þau eru náttlega orðin fullorðin, enn ég er jú alltaf mamman ekki satt og sollisssss...jaja

verðum í bandi skvíss

kv...Solla