Undirbúningur...

....við Solla í kaffiporti Norðurports, ætlum að hittast kl.13:00, vopnaðar, tuskum og fötum og hreingerningarlegi. Nú á að taka á því  

Ég ætla að segja ykkur svolítið sniðugt hún Solla heitir Sólveig Bragadóttir og ég á systur sem heitir Sólveig og bróðir sem heitir Bragi og ekki nóg með það, heldur heitir fyrsta konan sem bókaði sig í bás í desember í Norðurporti Guðfinna Guðmundsdóttir og er alnafna elsku bestu föðurömmu minnar heitinnar. Svo hefur selt hjá mér Vilborg (á systir sem heitir Vilborg) og Unnur Jónsdóttir (sama nafn og móðursystir mín ein). Gaman að velta fyrir sér svona tilviljunum ...það er gott að hugsa um þessi nöfn og gott að hafa þau í kring um sig. Allt eru og voru þetta kjarnakonur og mjög skrítið að vinna svo náið með henni Sollu en á milli okkar Sollu systur er bara eitt ár og við vorum og erum frekar eins og vinkonur en systur. Ég auglýsi hér með eftir Braga, Magnúsi og Jóni í sölubása og líka Huldu, Stellu og Trausta svo og auðvitað öllum hinum góðu og gegnu nöfnunum.

Dugar ekki að drolla lengur.

Spakmælið og svo í vinnugallann:

Takir þú í byrjun dags

nokkrar mínútur í bæn

til að fá blessun Guðs

og handleiðslu, þá

sparar þú þér mikinn

tíma og erfiði !

Njótið dagsins, fer út í snjóinn í von um góðan vinnudag

Athugasemdir

[Vilborg Traustadóttir, 10.1.2009 kl. 16:26]

Gangi þér vel asð moka þig út úr innkeyrslunni heima og svo inn í "portið"!

Passaði bara að "mála þig ekki út í horn" þegar þú ferð að mála.

Í dag eru það þrifin!

[Hulda Margrét Traustadóttir, 11.1.2009 kl. 12:12]

Vildi að þú værir komin til skrafs og ráðagerða...gólfið verður sem betur fer í höndum sonar hennar Sollu sem er vanur málari svo ég verð ekki innikróuð í horninu  Heyrumst væna er komin í gallann !