Tími til komin....

Það kom að því að Akureyrarbær tók við sér. Ég er búin að vera atvinnulaus frá því í október (fyrir utan þá sjálfboðavinnu sem ég hef verið að vinna, þar sem Norðurport er).

Stuttu eftir að ég missti vinnuna fór ég á atvinnumiðlun bæjarins og fór mjög vonsvikin þaðan út, þar sem mér var nánast sagt að bíða bara þar til ég léti skrá mig með vorinu. Mig langaði virkilega til þess að hitta fleiri í sömu sporum en fór ein á Bláu könnuna þennan morgun, fékk mér kaffibolla og las blöðin. Mér fannst ég vera alein í þessum sporum !

Nú er komin febrúar og ég er búin að finna mér einhvern farveg, allavega svona um helgar en mig vantar ennþá atvinnu.

Veit ekki hvort ég fer í Glerárkirkjuna, mér finnst þetta ansi seint, fyrir mig allavega.

Ég hef lært að fylgjast með auglýsingum og sett mér rútínu þar sem ég reyni að einangra mig ekki og lifa lífinu nokkuð eðlilega....kemur í ljós hvað ég geri með að hitta aðra sem eru atvinnulausir.

Glerárkirkja opnuð fyrir atvinnulausa

Athugasemdir

[Vilborg Traustadóttir, 3.2.2009 kl. 00:26]

Já, ég veit líka að þú varst með í huga að hafa svona þjónustu í þínu húsnæði.

[Hulda Margrét Traustadóttir, 3.2.2009 kl. 11:12]

Já, það gæti samt enn orðið. Vorum að stússast í svo mörgu eitthvað að það varð ekki af því þá enda húsnæðið ekki tilbúið þegar þetta var.