Hugleiðing dagsins....

Var að hugsa í gær - eftir læknisheimsóknina. Hvar ég væri stödd í lífinu. Ég sat við eldhúsborðið og horfði á eldhúsgardínur jólanna sem ennþá eru uppi  en hugsaði svo, hvað með það, það er mitt mál.  Enda eru þær bara fallegar.

Mér líður ágætlega. Mér finnst notalegt að vera heima á morgnana og brasa eitthvað, annaðhvort í heimilisverkum eða í sambandi við Norðurport.

Mér finnst gaman að stússast í Norðurporti, þó engin séu launin ennþá.

Þar hef ég eignast vini og kunningja og fundið fyrir ríkri samkennd.

Samt sakna ég gömlu vinnufélagana oft og finnst stundum að mestallt mitt samband við þá hafi slitnað. Auðvitað er það ekki alveg rétt því ég heyri reglulega frá nokkrum þeirra. Og þegar ég hitti firrum samstarfsfólk, fæ ég knús. Það er eitthvað svo notalegt.

Einu sinni sagði við mig maður sem var að vísu að nálgast eftirlaunaaldurinn. " Þið verðið sko ekki lengi að gleyma mér, það er mín reynsla eftir að hafa séð á eftir mörgum vinnufélögum "

Kannski er það ekki skrítið, því við sem förum snúum okkur að öðru en hinir halda áfram á sama stað. Ég hef nokkrum sinnum skipt um vinnu í lífinu og flutt á milli staða og hef því gengið í gegn um það ferli áður - sem betur fer. Ég get ímyndað mér að erfiðara sé fyrir manneskju á mínum aldri að ganga í gegn um slíkar breytingar, í fyrsta skipti á lífsleiðinni.

Mér datt svona í hug að skrifa um þetta þegar ég sá spakmæli dagsins sem kemur hér:

Kærleiksríkt hjarta er eins og

lífsljós í heimi myrkurs og

skugga.

Stundum finnst manni myrkrið vera mikið en oftast ríkir birtan og gleðin og þá er um að gera að deila henni með öðrum

Í dag ýlfrar vindurinn úti og mikið er þá notalegt að leggja sig með góða bók þar til manni finnst tími til komin að taka til hendi.

Ég hef því komist að þeirri niðurstöðu að ég sé akkúrat stödd í dag þar sem ég á að vera.

Kallast það ekki örlög ?- Og svo veit engin sína ævina firr en öll er

Megi dagurinn vera ykkur góður og brosin sem þið fáið mörg

 

 

 

Athugasemdir

[Svanhildur Karlsdóttir, 19.2.2009 kl. 12:51]

Fyrirgefðu hvað ég er löt að lesa og commenta...

Knús

[Hulda Margrét Traustadóttir, 19.2.2009 kl. 12:55]

Ertu ekki líka orðin nemandi ? Knús til þín.

[Vilborg Traustadóttir, 19.2.2009 kl. 13:06]

Virkilega góð færsla.

[Stella (IP-tala skráð) 19.2.2009 kl. 15:24]

Kvitti kvitt..

Það eiga allir misjafna daga..það er ósköp eðlilegt..

Knús..

[Lísa (IP-tala skráð) 20.2.2009 kl. 09:55]

Datt í hug að skoða síðuna  þína  núna,  ég fann pínu  stund hjá mér,  en m/eldhúsgardínurnar   ætlarðu bara að lofa þeim að vera eitthvað áfram.

En  mundu Margrét mín að ég er ekki búin að gleyma þér eða ykkur samstarsfélögunum sem misstuð vinnuna. Ég  hugsa oft til ykkar,   já  ég bara sakna ykkar.  Þó að ég sé ekki dugleg að taka upp símann og hringja,  það má segja að ég sé síma-fælin þegar  vinnudegi  er lokið.

Gangi þér óskaplega vel  með Norðurport,  við sjáumst fljótt.

Kv. Lísa

[Hulda Margrét Traustadóttir, 20.2.2009 kl. 10:07]

Takk dúllurnar mínar. Ég má til að fara að drífa mig að mála Lísa, þá hittumst við allavega. Skil núna andleysið og þreytuna í mér, nú fer það vonandi að lagast. Ég hafði eiginlega nóg með Norðurportið. Og ég þurfti að sofa ósköpin öll. Knús til ykkar

[Hulda Margrét Traustadóttir, 20.2.2009 kl. 10:08]

...og skil þetta vel með símafælnina Lísa, þú sem ert í símanum allan daginn  hehe

[Berglind (IP-tala skráð) 20.2.2009 kl. 22:17]

Hæ skvís, nú ætla ég að googla Norðurport ( maður er svo glataður síðan maður flutti hehe, veit ekki neitt hvað gerist á norður hluta landsins) og skoða hvað það er og koma svo og kíkja á þig þar næst þegar ég kem norður, hugsa oft til þín.

Kv. frá Egilsstöðum, Berglind W. Árnad

[Vilborg Traustadóttir, 20.2.2009 kl. 22:49]

For the record, þá tók ég mína jólaeldhúsgardínu niður FYRIR jólin en hún hafði hangið uppi allt árið. ;-) Svo rauð og sæt.....

Setti rauðu hjartaseríuna úr Rúmfatalagernum á Akureyri á þrýstistöngina í staðinn!!