Sýningin "Haldið af stað...." í Norðurporti " Kaffi Port " opnar laugardaginn 28.02.

Næstkomandi laugardag þann 28.02. opna hjónin Dagbjört Matthíasdóttir og Magnús Hannibal Traustason sýninguna " Haldið af stað........" í "Kaffi Port".

Þau ætla að koma akandi norður á föstudaginn með um 30. myndir og standa vaktina sjálf á laugardaginn í " Kaffi Port ".

Mér er auðvitað málið skilt þar sem ég plataði þau norður fyrir tveimur árum á helgarnámskeið hjá Erni Inga ásamt Vilborgu systur en hann Magnús er bróðir minn  Eftiminnilegt námskeið og skemmtilegt.

Ég hafði fyrr um haustið komið til þeirra og séð það sem þau voru að dunda sér heima við að mála og unnu þá aðallega með vatnsliti. Hæfileikarnir leyndu sér ekki og mér fannst alveg tilvalið að kippa þarna aðeins í spotta og plata þau norður yfir heiðar. Á þessu helgarnámskeiði var unnið mikið og vel og þau skiptu þarna úr vatnslitum yfir í olíuliti. Síðan hafa þau haldið áfram að mála og sóttu námskeið í kvöldskóla Kópavogs síðasta vetur undir handleiðslu Ingimars Waage og héldu áfram undir hans handleiðslu í vetur í myndlistarklúbbnum "Litagleði ". Svo er hann Magnús auðvitað landsbyggðarmaður og ólst upp hér fyrir norðan á Sauðanesi við Siglufjörð.

Á sama tíma kveður sýningin "Af kind í mynd" sem hefur verið í " Kaffi Port " síðustu þrjár helgar. Við þökkum Friðriku Sigurgeirsdóttur fyrir ánægjuleg kynni og fyrir sýninguna sem við og gestir okkar höfum fengið að njóta. Flottar myndir unnar úr þæfðum lopa frá hennar eigin býli. Og frábær hugmynd.

 

Þessi mynd " Án titils " er eftir Magnús Hannibal Traustason. Og verður á sýningunni " Haldið af stað....."

 

 

"Kvöld " eftir Dagbjörtu Matthíasdóttur sem verður líka á sýningunni. " Haldið af stað........."

En sjón er sögu ríkari, þið fáið ekki að sjá meira firr en á laugardaginn !

Það er gaman að geta stutt við þá sem eru að byrja að fóta sig á þessari braut og halda sínar fyrstu sýningar eins og hún Friðrika var að gera og einnig þau Dagbjört og Magnús. Norðurport hefur einmitt það markmið, að styðja við bakið á þessu fólki.

Velkomin norður kæru hjón

 

Athugasemdir

[alla (IP-tala skráð) 23.2.2009 kl. 12:08]

Margrét mín, alveg er þetta frábært, þið eruð svo miklir listamenn og þetta er frábært framtak hjá þér með Norðurport.  Ég hlakka til að kíkja til þín þegar ég verð á Norðurlandinu og ef opið verður þegar ég verð á ferðinni.  Gangið þér sem best með þetta allt saman:-)

[Hulda Margrét Traustadóttir, 23.2.2009 kl. 14:55]

Takk fyrir  Væri sko aldeilis gaman að sjá þig !

[Drífa Þöll (IP-tala skráð) 23.2.2009 kl. 14:59]

Ég held að maður verði hreinlega að fara að gera sér ferð norður til að kíkja í Portið... verður það ekki enn starfrækt í sumar? Þá er aldrei að vita nema maður pakki barnavagninum, skelli krökkunum í bílstólana og skelli sér af stað. Vonandi heldur áfram að ganga vel!

[Hulda Margrét Traustadóttir, 23.2.2009 kl. 15:07]

Jú, Drífa mín, það er ætlunin. Ég er þrjóskari en.... þú veist og ætla að láta þetta ganga. Það væri nú gaman að sjá litlu grjónin þín, kíki alltaf eftir nýjum myndum af þeim á Facebook. Gangi ykkur sem best