Hvernig til hefur tekist......

Í október í firra kviknaði hugmynd í kollinum á mér.

Hugmyndin var markaðurinn Norðurport. Ég henti mér í verkið og flest af því sem ég setti á blað þessa daga, hef ég getað staðið við.

Að vísu er ekki allt það sem ég ætlaði mér þarna inni eins og t.d. vörur úr sveitinni, þar kemur heilbrigðiseftirlitið inn í, því allt það sem selt er matarkyns í Norðurporti þarf að vera unnið í viðurkenndu eldhúsi. Ég tók því til minna ráða og er að selja viðurkennda matvöru og stend því vaktina með þær þjóðlegu tegundir sem ég hef getað náð í. Harðfisk, kleinur, soðið brauð, flatbrauð og kartöflur.

Ég ákvað strax að vera með málverkasýningar og er núna sýning númer tvö í gangi. Þetta fannst mér skipta máli og einnig að þær sýningar sem þarna eru væru frá fólki sem er að byrja að feta þessa braut. Það hefur tekist.

Ég hefði viljað að útlendingar gætu kynnt mat frá sínum löndum en það er af áður töldum ástæðum heilbrigðiseftirlitsins ekki hægt. En í Norðurporti eru núna nokkrir erlendir aðilar að selja aðrar vörur.

Ég er samt að vonast til þess að geta verið með einskonar "þjóðarkvöld" þar sem gestum gæfist kostur á að smakka mat frá framandi löndum. Það er svona hugmynd sem er að gerjast með mér.

Einhvernvegin er þetta þó í meginatriðum eins og ég ætlaði mér. Kaffi Port er eitt af því sem ég setti niður á blað og er kaffihúsið á nýja staðnum fínt. En þar staðset ég myndlistarsýningarnar. Þann stað rekur Sólveig Bragadóttir og það er von okkar að hann vaxi og dafni.

Um síðustu helgi fékk ég það á tilfinninguna að aðsóknin væri stórum að aukast og þó hefur hún verið góð frá fyrsta degi. Ég var þó hrædd um að þessir erfiðu mánuðir, fyrstu á árinu yrðu e.t.v. ekki góðir en það var ástæðulaus ótti miðað við hvernig gengið hefur þessar helgar sem starfsemin hefur verið í Laufásgötunni. Það var líka rask að flytja í nýtt húsnæði svona skömmu eftir opnun.

Mín tilfinning er þó sú að þetta húsnæði henti betur fyrir Norðurport en húsnæðið á Dalsbrautinni sem var afar stórt og auðvitað of dýrt.

Svo eins og málin standa í dag er ég bjartsýn og vonandi gengur þetta vel áfram.

Ennþá er þetta sjálfboðavinna hjá mér en með aukinni aðsókn sölufólks er ég að vona að það geti breyst í framtíðinni - enda konan ekki á höttunum eftir einhverjum ofurlaunum

En - áfram Norðurport og verið endilega dugleg við að kíkja á okkur um helgar. Allir velkomnir !

Svo opnaði ég dagatalið af handahófi og fékk þetta upp

Ráð til farsældar: Byrjaðu

smátt, vertu fylginn þér,

sýndu þolinmæði og lærðu

af mistökum þínum.

Þá er þessari úttekt lokið að sinni.

Njótið dagsins

 

 

Athugasemdir

[Magnús Sigurðsson, 4.3.2009 kl. 08:28]

[Helen Gunnarsdóttir (IP-tala skráð) 5.3.2009 kl. 12:41]

Hæ dúlla.

Það er óhætt að segja að þú getur verið ánægð með útkomuna og ég er alveg viss um að Norðurport er komið til að vera og verður eitt af því sem kemur til með að tilheyra sem eitt af því sem fólk heimsækir í framtíðinni sem ferðamenn.

Kv. Brussa.