Jebb...komin heim..með...

Það var hringt í mig í morgun frá Vikudegi, það var hann Kristján að tilkynna mér að ég hefði fengið verðlaun, "Brostu verðlaun" febrúar mánaðar 2009.  sem að standa Vikudagur og Ásprent - Stíll ehf.

Það var því "brosandiútaðeyrum" kona sem tók við verðlaunaskjalinu í Norðurporti í dag !

Þetta er í annað skipti sem þessi verðlaun eru veitt og eru veitt fyrirtækjum eða einstaklingum sem hafa með einhverjum hætti verið einstaklega bjartsýn og jákvæð.

Það er mér mikill heiður og hvatning að taka við þessum verðlaunum og það er gaman að sjá á verðlaunaskjalinu mínu, að þar stendur á eftir nafninu mínu...fyrir framlag sitt til samfélagsins. Þessi orð eru svo falleg - því að ég veit og hef séð í Norðurportsstarfinu mínu að þar er meðal annarra sölufólk sem fer nánast ekkert annað en á markaðinn um helgar til að selja og finnst svo gaman að koma og hitta annað fólk. Ég er stolt því ég veit að það að vera í Norðurporti gerir mörgum gott. Þar ríkir bræðralag og góður andi ! Mér finnst ég vera að gera gagn.

Skjalið mitt fína fer að sjálfsögðu upp á vegg í Norðurporti, okkur til áminningar um að verið sé að vinna gott starf.

Bara - takk fyrir mig, þetta var frábært og það er líka frábært að hún mamma mín er 88 ára í dag.

Það var gaman að geta sagt henni þessar fréttir um leið og ég óskaði henni til hamingju með daginn.

Í kvöld hefst námskeið í norskri rósamálun í Norðurporti og ég ætla að sjálfsögðu að mæta og taka þátt, það er hún Guðríður Steindórsdóttir sem lærði í Noregi sem ætlar að kenna okkur listina að mála á tré eitthvað fallegt. En hún hefur einmitt verið með fallegu trévörurnar sínar til sölu í Norðurporti annað slagið.

Það er glöð kona sem nú ætlar að taka sér góðan göngutúr í góða veðrinu, nú er farið að hlýna úti.

Ætla samt að stelast til að setja spakmæli morgundagsins hér á eftir:

Forystuhæfileikar snúast ekki um

það að vera bestur, heldur að

draga fram það besta í fólki.

Njótið þess sem eftir er af deginum

Athugasemdir

[Stella (IP-tala skráð) 10.3.2009 kl. 15:19]

Æðislegt..innilega til hamingju, áttir þetta skooooooooooo skilið!!

[Hlín mín (IP-tala skráð) 10.3.2009 kl. 15:37]

Frábært. Innilega til hamingju.

[Hulda Margrét Traustadóttir, 10.3.2009 kl. 16:22]

Takk, dúllurnar mínar. Það var heldur ekki leiðinlegt þegar við unnum saman að "68 kynslóðinni" á Reyðarfirði forðum daga. Hef hugsað enn oftar til þeirra daga eftir að ég hóf að vera í svona skapandi vinnu aftur

[Vilborg Traustadóttir, 10.3.2009 kl. 20:40]

Til hamingju enn og aftur, frábært að fá þessa viðurkeningu. Þú átt það skilið.

[Magnús Sigurðsson, 10.3.2009 kl. 21:41]

   

[Magnús H Traustason, 10.3.2009 kl. 22:58]

Til hamingju systir með þessa viðurkenningu. Eftir að hafa komið norður um daginn er ég ekki hissa á að eftir því sé tekið sem þú ert að gera. Að koma í Norðurport  var mjög ánægjulegt og það jákvæða andrúmsloft sem þar ríkti fylgdi okkur suður yfir heiðar.

[Hulda Margrét Traustadóttir, 11.3.2009 kl. 06:54]

Takk öll. Mángi á námskeiðinu í gær voru listrænar konur og fannst mjög gaman að skoða sýninguna ykkar  " Lagt af stað....." Á laugardaginn komu mjög margir að skoða og fólk er mjög hrifið.  Jákvæða andrúmsloftið fylgir fólkinu sem er að gera skemmtilega hluti !