Þakklæti....

Ég er þakklát fyrir alla þá athygli sem ég og við í  Norðurporti höfum fengið þessa dagana. Fyrst "Brostu verðlaunin" frá Vikudegi og Ásprent Stíl ehf og viðtal og mynd í Vikudegi - takk. Síðan útvarpsviðtal í þætti Margrétar Blöndal í morgun á rás 2.  Annað stórt takk fyrir það. Ég kom reyndar sjálfri mér svolítið á óvart þar en það var nú líka henni Margréti Blöndal að þakka hversu vel þetta viðtal gekk. Einkar viðkunnanleg kona og það var svo gott að spjalla við hana.

Enda varð þessi helgi sú stærsta hjá okkur til þessa. Það var fullt útúr dyrum í gær og óvenju mikil umferð í dag af sunnudegi að vera og því að sólin skein og það var mjög gott skíðaveður. Mikill er máttur fjölmiðlana og maður skyldi aldrei vanmeta þá. 

Þakklæti er móðir margra tilfinninga og ég leit stolt yfir salinn í dag og hugsaði með mér að það væri sko aldeilis þess virði að vinna að þessu verkefni áfram þó launin væru engin, og ég ætla að berjast fyrir því að Norðurport geti gengið áfram. Það er gleðin sem þar ræður för. Gleðin yfir því að vera á meðal góðs sölufólks og fá að hitta allt þetta fólk sem kemur í heimsókn. En svo er líka sagt að það taki nokkra mánuði til ár að koma fyrirtæki á koppinn. Ég byrjaði í desember (undirbúning að vísu í endaðan október) og núna er bara mars !

Takk fyrir frábæra helgi og takk til allra sem hafa hringt og sent mér falleg orð í kjölfar alls þessa.

Þið eruð best  og mikið er maður ríkur að eiga góða að, innan fjölskyldu sem utan

Njótið kvöldsins og næturinnar

 

Athugasemdir

[Anna Guðný , 15.3.2009 kl. 20:49]

Hafðu það gott Margrét mín og takk fyrir helgina. Bíð spennt eftir þeirri næstu.

[Vilborg Traustadóttir, 15.3.2009 kl. 22:44]

Já þetta var flott viðtal. Gott að það var mikið af fólki á ferð í Norðurporti...Knús...

[Magnús H Traustason, 15.3.2009 kl. 23:49]

Frábært að heyra hvernig gengur. Flott viðtalið í morgun. Til hamingju.

Þú lætur bara vita þegar þarf að bæta við myndum....................við málum af kappi......................Kveðjur að sunnan.

[Hulda Margrét Traustadóttir, 17.3.2009 kl. 17:01]

 Takk.

Gott að heyra að þið málið af kappi Mángi, ykkur er velkomið að skipta út ef þið viljið !