Þankar í miðri viku....

Þankar....

Það var svo mikið umleikis í kring um mig og Norðurportið fyrir og um síðustu helgi að ég tók mér smá pásu á blogginu !
Þurfti aðeins að ná áttum og hugsa. Það var mikið hringt í mig út af viðtalinu í útvarpinu og "Brostu" verðlaununum, og fyrir það er ég auðvitað mjög þakklát og glöð en svo heldur bara lífið áfram og baráttan fyrir áframhaldandi góðu gengi og þá er um að gera að vera með báða fætur á jörðinni.

En þetta var skemmtileg helgi og mikil umferð í Norðurporti eins og ég sagði ykkur frá. Hvíldardagurinn minn var mánudagur og var hann kærkominn. Það var gott að lúra aðeins frameftir og fá sér svo góðan göngutúr.

Nú er komin miðvikudagur og ég var að klára að setja niður næstu helgi og nú þegar er næstum orðið fullt í básum og á borðum. Á einn bás og þrjú borð eftir. Já, tíminn æðir áfram og næstum komnir páskar og gaman hvað allt gengur vel.

Og í dag er hlýtt og gott hér fyrir norðan og maður finnur aðeins fyrir því að vorið er að nálgast. Skelfing verður gott að fá sól á vanga. Einhvernvegin finnst mér þessi vetur búin að vera langur, þrátt fyrir allar annirnar en samt finnst manni hver vika æða áfram ! Skrítið .....

Ég pantaði mér í dag garð hjá Akureyrarbæ, til grænmetisræktunar í sumar svo við hjúin getum skellt okkur í moldina og orðið svolítið búsældarleg með haustinu. Ekki ónýtt að eiga góðar kartöflur og grænmeti fyrir næsta vetur. Mig hefur oft langað í svona garð (þar sem við búum í blokk) en það hefur ekki verið í boði hér á Akureyri firr en nú og ég fagna þessu framtaki og vona svo sannarlega að ég fái garð, því það voru auðvitað mjög margir sem pöntuðu og það þurfti að bæta við garðplássi vegna mikillar eftirspurnar. Svona kemur sjálfsbjargarviðleitnin upp í mönnum þegar illa árar.

Var annars að láta mér detta í hug svolítið skemmtilegt til að vera með í Norðurporti fyrir páskahelgina - vona að það takist. Hugmyndin er að hafa opið að kvöldi 9. apríl, vera með markaðinn opin og hafa Taílenskt þjóðarkvöld, þar sem boðið verði upp á mat og tónlist frá
Taílandi í Kaffi Port ! Hvernig líst ykkur á þá hugmynd ?
Ég er búin að orða þetta við þrjár konur frá Taílandi sem eru að selja hjá okkur og tóku þær vel í málið. Svo nú er bara að fara að koma þessu á kortið. Já, ég finn mér alltaf eitthvað til og veit að þetta útheimtir meiri vinnu en í staðin kemur ánægjan af því að gera eitthvað skemmtilegt og öðruvísi fyrir markaðinn og fyrir þá sem hafa gaman af því að koma í Norðurportið. Síðan verður opið í Norðurporti á föstudag og laugardag en lokað á páskadag. En það eru ennþá nokkrar vikur til stefnu en þar sem tíminn æðri áfram þarf maður að hugsa allt með góðum fyrirvara.


Vona að dagurinn verði ykkur góður og kvöldið með.

 Spakmæli 15. mars sunnudagsins var svona:

Menn minnast ekki merkra manna

og kvenna í sögunni vegna mistaka

þeirra, heldur vegna þess að slíkt fólk

lætur ekki hugfallast, heldur stefnir

ótrautt áfram að settu marki.

Í dag 18. mars.

Trúin gefur okkur hugrekki til að

takast á við hið ómögulega og

einbeitingu til að sjá fyrir endann

á því.

Sofið rótt.

Athugasemdir

[Magnús Sigurðsson, 18.3.2009 kl. 19:51]

   

[Hulda Margrét Traustadóttir, 18.3.2009 kl. 20:06]

Já, það verður gott að grafa í moldina !

[Anna Guðný , 18.3.2009 kl. 20:11]

Varstu búin að tala við lögfræðinginn?

[Hulda Margrét Traustadóttir, 18.3.2009 kl. 20:13]

Það er í vinnslu gæskan mín ! Verður komið á hreint um helgina Anna Guðný mín !

[Vilborg Traustadóttir, 18.3.2009 kl. 22:12]

Ha det so bra....

[Anna Guðný , 18.3.2009 kl. 22:31]

Heyrðu flott þetta með garðyrkjuna. Við yngri börnin ætlum að fá okkur svona garðskika líka. Unglingurinn nennir ekki að vera með