Atvinnuleysi....kíkið á þetta....

Minni á nordurport.is þar sjáið þið það sem um er að vera um helgina !

Svo er bara að standa af sér kuldahrollinn sem setur að manni eftir að hafa fengið fínan sumardag í gær - það kemur dagur eftir þennan dag - dagur fyrir snauða og ríka !

Var að skila vottorði til vinnumiðlunar hér á Akureyri í dag og þar voru nokkrir sem sátu og biðu eftir viðtali. Mikið leið mér illa þarna inni það var ekki létt yfir mannskapnum..... og er það nema von ? Ég bara spyr ?

Það var vonleysi í svip fólks enda ekki auðvelt að ganga þarna inn fyrir vinnusamt fólk sem þekkir ekki annað en mæta í vinnuna á hverjum virkum degi. En það er ljós í myrkrinu kæru vinir, virkjum okkur sjálf og gerum eitthvað í málunum - svo getið þið alltaf komið í Norðurport og selt allt óþarfa dót sem þið lumið á , því það er mín reynsla að tiltekt verður ofarlega á blaði við atvinnumissi  Við tökum vel á móti ykkur og segið mér endilega frá því ef þið eruð atvinnulaus ! Í Norðurporti eru  brosandi konur í öllum hornum, já og stundum karlar líka !

Svo eru kosningar á morgun, sem segir okkur að við getum sjálf valið þá sem við viljum sjá stjórna landinu á næstu misserum. Velji nú bara hver rétt fyrir sig og sína

Lífið heldur áfram, stöndum saman .

 

Spakmæli morgundagsins á vel við:

Hlátur með nánum vini eða

vinnufélaga nægir oft til að losa um

spennu og örðugleika í samskiptum.

Þá vitum við það og hláturinn lengir líka lífið - ekki satt ?

Veit af fólki sem er að finna sér atvinnugrundvöll í sumar á eigin spýtur og sendi baráttukveðjur og segi þó að á móti blási - ekki gefast upp - þetta er erfitt en "Öll él birtir upp um síðir " Vera staðfastur og trúr sinni sannfæringu er það sem gildir.

Megi helgin verða ykkur góð og njótið þess að hvíla lúin bein þið sem þess þurfið

Segi eins og amma mín, pabbi minn og föðurbróðir enduðu alltaf sín sendibréf í gamla daga.

"Í guðs friði"

 

Athugasemdir

[Magnús Sigurðsson, 24.4.2009 kl. 13:44]

Hver tími hefur sín tækifæri á það hefurðu bent hér á síðunni svo eftir er tekið.  Ekki skemmir það fyrir að sumarið er framundan og hvað er þá betra en að eiga tíma til að standa með náunganum.

[Hulda Margrét Traustadóttir, 24.4.2009 kl. 13:48]

Ekkert er betra en huga hvort að öðru - það hefur sýnt sig. Hlakka til að kíkja á afsprengið þitt í sumar ! Og vísa fólki á verslunina þinn - vantar kort frá þér, var að panta kort fyrir Norðurport og sendi austur ef ég má !

[Sigrún Óskars, 24.4.2009 kl. 16:35]

Hlýtur að vera erfitt að vera án atvinnu - en mér finnst þú vera bjartsýn og full af eldmóði  og "vel af Guði gerð" eins og amma mín hefði sagt

Hláturinn lengir lífið - það er ekki spurning - takk fyrir spakmælið. Njóttu helgarinnar

[Magnús Sigurðsson, 24.4.2009 kl. 16:54]

Gaman að heyra að þú skulir ætla að leggja land undir fót og heimsækja Austurland í sumar. 

Endilega sendu mér nokkur kort frá Norðurporti, ég set þau fram versluninni, húsunum sem eru til orlofsdvalar og í stóra dæminu á Stöðvarfirði.

Stílaðu á:  Flísar & gólfefni / Miðvangi 2 - 4 / 700 Egilsstaðir.

[Hulda Margrét Traustadóttir, 25.4.2009 kl. 08:17]

Takk Sigrún og Magnús