Myndlist í Norðurporti....."Litfagra land"...systrasýning...

Ég ætla að segja ykkur frá því að um helgina ætlum við Vilborg systir að halda samsýningu í "Kaffi Port" í Norðurporti.

Ég hef mikið verið spurð að því hvort ég ætli ekki að sýna þar en einhvernvegin hefur mér fundist að aðrir ættu að ganga fyrir. Nú þegar eru búnar að vera þar þrjár sýningar. Svo kom það til tals hjá okkur systrum að gaman væri að sýna saman og þar sem ég hef ekki haft mikinn tíma til þess að mála í vetur, var það skemmtileg lausn. Ég hef að vísu setið við núna í nokkurn tíma og málað litlar vatnslitamyndir sem sýndar verða og svo er hún Vilborg búin að vera í Myndlistarskóla Kópavogs í vetur með hóp sem kallar sig "Litagleði" og afkastað miklu. Ég á reyndar eitthvað af nýlegum olíumyndum og þetta verða örugglega margar myndir þegar upp verður staðið. Ég er að klára að setja myndir í karton og Vilborg kemur svo á morgun og þá getum við séð heildarmyndina og gert sýningarskrá og annað sem gera þarf. Þetta verður bara gaman.  Ætla að skella inn einhverjum myndum hér áður en vikan er liðin. Lofa því !

Svo verður Vilborg með básinn "Gallerí Norðurport" þar sem verða til sölu myndir sem ekki verða á sýningunni.

Hér kemur eitt kærleikskorn til að fylgja okkur inn í daginn.

Hið gamla verður að víkja svo hið nýja komist að.

Og dagatalið segir okkur í dag:

Með peningum er hægt að

byggja hús en kærleika þarf til

að skapa heimili.

Megið þið eiga góðan dag.

Athugasemdir

[Magnús Sigurðsson, 6.5.2009 kl. 08:48]

Gangi ykkur systrum vel með sýninguna.

"Hið gamla verður að víkja svo hið nýja komist að", fínt spakmæli.  Ég er að hugsa um að taka það til greina og gleyma kreppu fjandanum í sumar og njóta þess að vera á nýjum vettvangi.

[Stella (IP-tala skráð) 6.5.2009 kl. 10:23]

Þetta verður flott hjá ykkur systrum