Frekar kuldalegt úti....

Á Akureyri heilsar okkur í dag, hryssingslegt veður með ofankomu og skafrenningi. Eiginlega ekta veður til að kúra frameftir en....ég er að starta deginum og mæti í Norðurport klukkan 11:00. Aðeins færri sölumenn í dag en þó margir. Dagurinn í gær var afar fjörugur eftir hádegi og ég er mjög sátt

Ég hitti eina góð vinkonu mína og hennar mann sem búa í Kópavogi sem eru hér fyrir norðan í nokkra daga og ætla ég að fá þau hjón í heimsókn til mín áður en þau fara suður aftur. Þessa vinkonu mína hef ég ekki séð í mörg ár og það verður gaman að hittast og spjalla um hvað hefur á dagana drifið.

Spakmæli gærdagsins kemur hér:

Börnin verða sjaldan eins og

við væntum - en það urðum

við ekki heldur.

Þið sem kúrið heima, látið veðrið ekki aftra ykkur frá að kíkja til okkar í Norðurport og gleðja okkur með heimsókn. Annars bara njótið dagsins, öll sem eitt

 

 

Athugasemdir

[Svanhildur Karlsdóttir, 8.3.2009 kl. 11:42]

Knús

[Vilborg Traustadóttir, 8.3.2009 kl. 11:53]

Kuldaboli að derra sig! Það styttist í vorið. Gangi ykkur vel í dag.