Komin aftur....

Ég verð að viðurkenna að ég hef verið löt að blogga en ætla nú að að koma aftur. Ég er nefnilega farin að sakna bloggvina minna. Facebook er ágæt en svolítið yfirborðsleg finnst mér !

Ég hef verið í hinum ýmsu verkefnum í sumar í Norðurporti og svo verður áfram. Samt hefur maður fundið fyrir því að sveitamarkaðirnir hafa truflað og það er eitt sem þarf að laga að þar leyfast hlutir sem við í Norðurporti megum ekki gera án sérstaks leyfis og viðurkenningar á eldhúsum, eins og heimabakstur, sultur og fleira. Þetta ósamræmi gengur ekki lengur og mun ég nú reyna að gera eitthvað í málunum. Þó litið sé fram hjá sveitamörkuðum sem eru þó um hverja helgi hér fyrir norðan þá er það eitthvað sem þeir sem eru með rekstur allt árið geta ekki liðið.

Síðasta helgi var flott en þá var hið langþráða Ketilásball haldið og tókst það mjög vel. Það var alveg rosalega gaman en auðvitað mikil vinna líka, svo var markaðurinn  sem haldin var á laugardaginn í tengslum við ballið mjög góður ! Á þessum markaði var selt allt mögulegt úr heimaeldhúsum og engin að skipta sér af því.

Maður fær eiginlega spennufall eftir svona helgi sem búin er að vera í undirbúningi í heilt ár og nú byrjar undirbúningur, hægt og hægt fyrir næsta ár.

Næst er það svo verslunarmannahelgin og þar verður "stórmarkaður" á sunnudaginn. Fullt af fólki búið að skrá sig til þátttöku á " Ein með öllu - og allt undir" Vonandi verða veðurguðirnir okkur hliðhollir ! Stefnir í allra stærsta markað sumarsins á Norðurlandi !

Meira fljótlega frá mér.

Njótið kvöldsins.

 

 

 

Athugasemdir

[Sísý Malmquist (IP-tala skráð) 27.7.2009 kl. 22:25]

Já, einmitt. Ég var á Hafnarmarkaði Mærudaga á Húsavík um sl.helgi og þar var til sölu sulta, hlaup, pönnukökur, kleinur, muffins og alskonar bakkelsi sem pottþétt var útbúið í heimaeldhúsum og selt undir berum himni.

[Sigrún Óskars, 28.7.2009 kl. 21:07]

sammála með facebook versus blogg - facebook er yfirborðsleg.