Vettlingar....

 

Mér láðist að geta þeirra.

Fyrirgefðu Anna Guðný mín, en það flokkaðist undir nýjan varning !

Vek athygli á flottum vettlingum sem hún Anna Guðný er að selja  

En þetta var fínn dagur í Norðurporti, við kvörtum ekki enda svo skemmtilegur hópur að selja

Takk fyrir daginn gott fólk, þið eruð æði  Opið á morgun og takk fyrir komuna þið sem komuð í Norðurportið í dag, þrátt fyrir sól og blíðu.

Meira síðar. Njótið helgarinnar

 

Norðurport....

Vil minna ykkur á að það er opið hjá okkur um helgina.

Laugardag frá kl. 11:00 - 17:00 og sunnudag frá kl.12 - 17:00.

Matvara. Kartöflur, harðfiskur, harðfiskmylsna, kleinur, soðið brauð.

Notaður og nýr fatnaður.

Allskonar gjafavara og fleira.

Kaffi Port, verður auðvitað með bolludagskaffi og ýmislegt fleira gott um helgina.

Sjáumst í Norðurporti. Laufásgötu 1, Akureyri.

Hugleiðing dagsins....

Var að hugsa í gær - eftir læknisheimsóknina. Hvar ég væri stödd í lífinu. Ég sat við eldhúsborðið og horfði á eldhúsgardínur jólanna sem ennþá eru uppi  en hugsaði svo, hvað með það, það er mitt mál.  Enda eru þær bara fallegar.

Mér líður ágætlega. Mér finnst notalegt að vera heima á morgnana og brasa eitthvað, annaðhvort í heimilisverkum eða í sambandi við Norðurport.

Mér finnst gaman að stússast í Norðurporti, þó engin séu launin ennþá.

Þar hef ég eignast vini og kunningja og fundið fyrir ríkri samkennd.

Samt sakna ég gömlu vinnufélagana oft og finnst stundum að mestallt mitt samband við þá hafi slitnað. Auðvitað er það ekki alveg rétt því ég heyri reglulega frá nokkrum þeirra. Og þegar ég hitti firrum samstarfsfólk, fæ ég knús. Það er eitthvað svo notalegt.

Einu sinni sagði við mig maður sem var að vísu að nálgast eftirlaunaaldurinn. " Þið verðið sko ekki lengi að gleyma mér, það er mín reynsla eftir að hafa séð á eftir mörgum vinnufélögum "

Kannski er það ekki skrítið, því við sem förum snúum okkur að öðru en hinir halda áfram á sama stað. Ég hef nokkrum sinnum skipt um vinnu í lífinu og flutt á milli staða og hef því gengið í gegn um það ferli áður - sem betur fer. Ég get ímyndað mér að erfiðara sé fyrir manneskju á mínum aldri að ganga í gegn um slíkar breytingar, í fyrsta skipti á lífsleiðinni.

Mér datt svona í hug að skrifa um þetta þegar ég sá spakmæli dagsins sem kemur hér:

Kærleiksríkt hjarta er eins og

lífsljós í heimi myrkurs og

skugga.

Stundum finnst manni myrkrið vera mikið en oftast ríkir birtan og gleðin og þá er um að gera að deila henni með öðrum

Í dag ýlfrar vindurinn úti og mikið er þá notalegt að leggja sig með góða bók þar til manni finnst tími til komin að taka til hendi.

Ég hef því komist að þeirri niðurstöðu að ég sé akkúrat stödd í dag þar sem ég á að vera.

Kallast það ekki örlög ?- Og svo veit engin sína ævina firr en öll er

Megi dagurinn vera ykkur góður og brosin sem þið fáið mörg

 

 

 

Tónlistarhátíðin

Það var gaman og þjóðlegt að horfa á þegar Íslensku tónlistarverðlaunin voru afhent í gær. Afslappaður þáttur sem var laus við að vera gervilegur.

Valgeir var auðvitað að skila sínu með sóma og svo var þetta bara léttur og leikandi þáttur. Flott að enda þáttinn á þann veg sem hann endaði og vakti manni vonir um betri tíð með blóm í haga og samkennd.

Það er mjög gaman að sjá hversu mikil gróska er í tónlistalífi landans og margir hæfileikaríkir og skapandi listamenn á ferð. Takk fyrir mig

Sigur Rós á popp- og rokkplötu ársins

Skiljanleg þreyta....

Komin frá lækninum mínum. Var með latan skjaldkirtil en núna óstarfandi ! Ekki skrítið að ég hafi verið slöpp og syfjuð að hans sögn. Fæ nú lyf sem þarf að stemma af eftir mánuð. Athuga hvort það reynist of mikið eða lítið, tekur víst oft tíma að finna réttan skammt.

Spurt er: Ástæða ? Svar: Mjög algengt hjá konum á vissum aldri. Bæði vanstarf og ofstarf. Oftast ættgengt.

Spurt er: Lækning ? Svar: Lyf sem er hormón sem kemur í staðin fyrir skjaldkirtilsstarfsemina. Og svo verður fylgst með þessum hnúð eða þykkildi sem leynist við skjaldkyrtilinn.

Þannig er nú það. Mér létti. Annað sem ekki er í lagi verður undir eftirliti eins og of há blóðfita sem hægt er að lækka með hollara mataræði - hm... finnst ég nú ekki vera mikið í óhollustu nema ef vera skyldi það, að hér á heimilinu er notað nokkuð af matarolíu af eiginmanninum, kokkinum. Annars erum við á ósköp heimilislegu fæði og lítið um sætindi á borðum hér. Þetta með olíuna og fleira verður tekið til umræðu og frúin fer þá bara að þurrsteikja sérstaklega handa sér þegar steikingar er þörf. Það er gott að fá áminningu, þá er hægt að bæta um betur.

Við ræddum líka um streitu og stress vegna alls þess sem yfir okkur gengur núna og þau áhrif sem það getur haft á heilsuna. Verð nú að viðurkenna að ég hef ekki farið varhluta af því. Nú maður verður bara að reyna að hafa ekki áhyggjur - vera "lígeglad" og brosandi  hvað sem á dynur.

Megi dagurinn verða ykkur ljúfur og góður og munið að vera góð hvort annað og brosa

 

Ekkert af því sem hjartað gefur

frá sér er tapað - það er geymt í

hjörtum annarra.

Þannig var spakmæli dagsins.

Ég druslaðist í blóðprufuna í morgun og fer svo er viðtal hjá lækni í firramálið. Bið ykkur að krossa fingur fyrir mig - hef ekki tíma í vesen útaf heilsunni. Annars er þetta ekki fallega sagt, betra er að segja "Engin veit hvað morgundagurinn ber í skauti sínu" og ef eitthvað er að, þá er að taka á því og vinna úr því eins og öllu öðru sem fyrir mann er lagt í lífinu ! Hefur gengið bærilega hingað til

En grínlaust, þá fer maður að hugsa um allt það góða sem maður á og hefur fengið að upplifa og er þakklátur fyrir það, á meðan aðrir hafa sko aldeilis fengið sinn skammt af erfiðleikum. Mér finnst ég vera mjög heppin þegar kemur að slíkum hlutum - veikindum. Svo ætlaði ég nú ekki að hljóma eins og ég væri eitthvað langt niðri. Ég er í nokkuð góðum gír þó ég finni fyrir óvanalega mikilli þreytu þessa dagana. Ríf mig upp, engin spurning ! Hvað annað ?

Dúllurnar mínar - megið þið eiga góða nótt og læt ykkur frétta af mér á morgun

 

Færslan mín datt út...

...og þá er maður latur að byrja aftur....hef verið blogglöt og skrifa það á annir og þreytu.

Nóg að gera um helgina og mikil traffík á laugardaginn. Rólegra í gær, eins og gengur.

Spakmælið í dag á ágætlega við þar sem ég fékk þær fréttir í dag að það á að endurtaka blóðrufurnar mínar, eitthvað ekki nógu gott í þeirri síðustu. Hm...hef líka verið þreyttari en venjulega. Þetta hefur með vanstarf í skjaldkyrtli að gera og of háa blóðfitu. Hm...þá er að taka á því og reyna að laga málin.

Fortíðin er liðin, framtíðin ókomin

og tilheyrir þér ekki enn sem

komið er. Núna er eini tíminn

sem þú átt. Nýttu hann vel.

Megið þið eiga góðan nætursvefn og fallega drauma í nótt

Halló Akureyri...

Minni ykkur á að það verður opið í Norðurporti í dag frá klukkan 12:00 til kl. 17:00

Endilega kíkið á markaðinn - það var líflegur dagur hjá okkur í gær.

Hittumst í Norðurporti !

Is it true ...

Þá vitum við hvaða lag fer til Rússlands. Vel flutt hjá henni. Lagið með Ingó er líka skemmtilegt og ég var ekki hissa á því hvað það var ofarlega.

Ég á mér að vísu annað uppáhaldslag. Reyndar tvö, þau eiga eftir að lifa.

Bara skemmtilegt kvöld - alltaf gaman að fylgjast með þessari keppni

 

 

Spurt skal að leikslokum...undankeppnin í Eurovision á morgun.....

Það gerir lítið gagn að vera með einhverjar auglýsingabrellur í þessu. Besta lagið vinnur vonandi. Einhvertíma tókst það með Silvíu Nótt, að nota allskonar brellur og læti, sem aldrei skyldu verið hafa. Held að fólk hafi lært af því. Vonandi !

Hef trú á nokkrum lögum í þessari keppni en Elektra er ekki með eitt af þeim. Allt í lagi lag, en ekkert frammúrskarandi.

Mín uppá haldslög eru "Easy to fool" og " I think the world of you" (sem er mitt eftirlætislag) og " Is it true" er líka ágætt. Þegar ég heyrði lögin fyrst var lagið með Ingó mitt númer eitt og er ennþá gott en....I  think the world....er eitthvað mjög sérstakt.....

Fólk er svolítið að tala neikvætt um það um að lögin séu flutt með enskum texta, en ég segi, er ekki alveg eins gott að þau komi strax fram á því máli sem á að flytja þau hvort sem er ?

Hef oft verið getspök í þessari keppni og við skulum sjá hvað verður núna.  Ég trúi því að annaðhvort fyrst töldu lagana af mínum uppáhalds vinni þessa keppni og væri ég mjög sátt með það. En bíðum og sjáum  " No hard feelings this time"   Nú ef Elektra vinnur með lagið "Got no love "eða einhvert annað lag vinnur verður bara að hafa það, ég ætla ekki að kjósa mig í kaf !

En mikið skal ég njóta kvöldsins - alltaf jafn gaman. Vonandi náum við í Norðurporti í diskinn og getum spilað hann í vinnunni á morgun

Hvað er ykkar uppáhald ? Endilega segið ykkar álit !

Hm...hvað er að engin hefur tjáð sig um þetta í dag, þrátt fyrir ótal heimsóknir á síðuna...kl. 21.54  og......koma svo......

Munu úrslitin ráðast í fjölmiðlum?